Hóphugleiðsla verður að vanda að Efstasundi 26 næstkomandi fimmtudag. Allir eru velkomnir þar og nýliðar eru sérstaklega hvattir til að mæta þar.
Hefst kl 20:00 og er ókeypis

Hugleiðsla er mikilvægur þáttur í aðferðafræði Ananda Marga. Með hugleiðslu má ná fram jákvæðum áhrifum líkamlega, huglægt og andlega. Hugleiðslukerfið byggir á ævafornum jógafræðum, Rajadhiraja jóga, og samanstendur af grunnhugleiðslu sem jógakennarar kenna ásamt 6 hugleiðslulexíum sem svokallaðir acaryar kenna. Acaryar eru aðilar sem hafa helgað líf sitt að því að kenna þessi fræði og þýðir nafnið "sá sem kennir með fordæmi". Hugleiðslan spannar vítt svið eins og útilokun frá umhverfinu, líkama og huga, mantra til að fókusera hugann og virkja. Æfingar til að vinna með, virkja og hreinsa orkustöðvarnar (cakras). Líföndun eða Pranayama og leiðir til að samsvara sig með öllum hlutum.
Þetta er persónulegt kerfi sem er sniðið að líkamlegu, hugrænu og andlegu ástandi hvers og eins og er því mikilvægt að fá hæfa manneskju til þess að kenna eins og acaryar Ananda Marga eru.
Til að læra grunnhugleiðsluna er hægt að hafa samband við jógakennara (sjá hér til hliðar) eða mæta í jógatíma (sjá dagskrá).