"Góð leið til að byrja morguninn"

Hentar öllum, jafnt þeim sem hafa komið áður og byrjendum. Farið er  yfir grunn jógastöður úr hatha jógakerfinu í bland við A.M jógaæfingar. Tímarnir eru mestmegnir rólegir og slakandi. Farið er vel í stöðurnar, fundið fyrir áhrifum þeirra og leitað inná við. Mikið unnið með öndun og æfingar gerðar í tengslum við djúpa öndun.

Æfingarnar vinna vel gegn stressi og gefa mikla orku. Unnið er með líkamsstöðuna og flesta líkamshluta eins og háls, axlir, olnboga, úlnliði,  bak, mjaðmir, hné, ökla, tær o.s.frv.  Aðaláherslan er á rólegri æfingar en þó verða erfiðari og meira orkukrefjandi æfingar teknar inná milli.

Kennsla fer fram í litlum hópum, ekki fleiri en 10, til þess að skapa betra rými fyrir kennarann að leiðbeina hverjum og einum.

Eftir hvern tíma er slökun og létt hugleiðsla

"Mér finnst námskeiðið rétt! Það þýðir ég leiðréttist bæði líkamlega og andlega - varð eins og ég á að vera. Unaður :)" - Ónafngreindur iðkandi, úr könnun eftir námskeiðið

Kennari er Einar Indra.

Einar hefur kennt jóga og hugleiðslu undanfarin 10 ár og sótt ýmsar ráðstefnur í tengslum við það. Í ágúst 2010 lauk hann jógakennaranámi hjá alþjóðlega jógafélaginu Ananda Marga. Hann leggur áherslu á Ananda Marga jógaæfingar, sem vinna með einstaklinginn líkamlega, hugrænt og andlega, en fléttar einnig inní þær áherslum úr öðrum leiðum. Einar er einnig menntaður í félagsuppeldisfræðum og er framhaldsskóla- og grunnskólakennari. Hann kennir jóga sem valfag í menntaskóla allt árið ásamt því að kenna 5 - 8 ára krökkum jóga í barnaskóla.

Verð fyrir námskeiðið og tímar

Morgunnámskeið 1

Mánudaga kl 7:00 -7:50

Miðvikudaga kl 7:00 -7:50

Föstudaga kl 7:00 -7:50

Morgunnámskeið 2

Mánudaga kl 8:00 -8:50

Miðvikudaga kl 8:00 -8:50

Föstudaga kl 8:00 -8:50